U Duttori Marcu FRANCHINI faci intarvinzioni chirurgicali intraucularii in Aiacciu. St’intarvinzioni si faci sighi à Clinisud in Aiacciu, pà a Chirurgia di a cataratta, a chirurgia di u glaucoma, a chirurgia refrattiva, sia à u Centru EYETECH in Aiacciu, pà a chirurgia à u Laser EXCIMER.


  • 1. A chirurgia di a cataratta

    A cataratta hè un spessori di u cristallinu chì caghjuneghja una calata di a vista è pò, à longu andà, purtà versu a cicaghjina. Sò parechji i causi, è a prima saria a vichjaia. Hè un’affezzioni chì curà ùn si pò. Tocca à uparà. Urgenza ùn ci n’hè, eppuri, megliu saria à intarvena prima ch’edda fussi avanzata troppu.

    L’intarvinzioni

    A tecnica d’uparazioni hè scambiata mori : oghji ghjornu, si tratta di sdrughjalu sanu sanu u cristallinu diffittosu, è à metta inveci un lentu artificiali.

    L’impiantu : dui catigurii :

    • L’impianti « cumuni » monufucali, chì volini spichjetti (da veda da vicinu) pà part’è più di i pazienti
    • L’impianti « Premium » (chirurgia refrattiva)

    Saria un prucidimentu dannificu pocu è micca chì – for cà certi causi particulari - ùn voli anestesia ginirali, è dunqua di essa purtatu à u spidali. Si faci in clinica in ambulatoriu. Da accresci u benistà di u pazienti, u Duttori Marcu FRANCHINI si ghjova un’anestesia « topica » (piccatura micca, inveci calchì goccia è basta), ciò chì li parmetti d’uparà pazienti emofili o sottumessi à un trattamentu anticuagulazioni… Hè par quissa chì, l’intarvinzioni hè corta corta (10 o 15 minuti), u pazienti esci à capu à un’ora, senza mancu fascia, pruttetu da spichjetti di soli è basta.

    Dopu à l’intarvinzioni

    A ricuparazioni visuali hè lestra lestra è quidd’altru ochju si pò uparà allocc’à a sittimana dopu.
    Capulati uni pochi d’anni, s’eddu si vedi una calata di a capacità visuali parvia di l’upacificazioni di u cristallinu – chjamata cataratta sicundaria - (accadi cù 3 pazienti sopr’à 10), bastarà à fà una seanza di laser YAG da purtacci rimediu.

  • 2. A Chirurgia di u glaucoma

    U glaucoma hè una malatia di l’ochju in leia, à spessu, à una crescita anurmali di a prissioni intraucularia, è chì caghjuneghja una distruzzioni prugrissiva, surniona è difinitiva di u narbu otticu.
    U trattamentu midicali o laser hè attu, u più à spessu, à affrinà o puri à stabbilizà l’evuluzioni. Ma in certi casi (risistenza terapeutica par asempiu…), torra nicissaria a chirurgia.

    L’intarvinzioni

    L’intarvinzioni (a trabeculettumia o a sclerettumia fonda) si faci in clinica, à spessu cù un’anestesia ginirali. Si tratta di crià una via di passaghju nova pà l’umori acquicciosa da fà ch’edda s’accresci a filtrazioni è cusì s’arrigulessi a tinsioni intraucularia.

    Dopu à l’intarvinzioni

    A fascia si caccia u lindumani di l’uparazioni. Cura è trattamentu cù gocciuli duranti un mesi.

  • 3. A Chirurgia Refrattiva


    A Chirurgia di u Cristallinu

    Praticata in clinica, in ambulatoriu è sottu à anestesia topica, hè à spessu fatta in associu cù l’intarvinzioni di a cataratta. Si tratta di metta un impiantu « Premiu » (topichi, multifucali torichi) chì parmettini a currizziò da una banda di a cataratta è da un’antra banda, sicondu i casi, di i diffarenti mendi di a vista (miupia, ipermitrupia, astigmatisimu è presbiupia).

    A Chirurgia di a curnea

    Veni praticata à u Centru Laser EYETECH di u Casonu, in ambulatoriu, cù u laser EXCIMER. Si tratta di arricà currizziò (senza cataratta micca) à i diffarenti mendi di a vista mudifichendu l’arcu di a curnea (Laser EXCIMER).

  • 4. U Laser EXCIMER

    Si faci in ambulatoriu à u Centru Laser EYETECH di u Casonu.

    A tecnica apradata (PKR) parmetti a currizziò, in versu efficaci è sicuru, di tutti quanti l’anumalii di a vista. Scalpiddinendu a superficia di a curnea da rittificanni l’arcu, è mudifichendu l’angulu di rifrazzioni di a luci chì caghjuneghja danni di a vista.

    • Ind’è u Miopu, spiana l’arcu di a curnea trattendu a parti di mezu
    • Ind’è l’Ipermitropu, si faci in pirifiria da imbuffà a parti di mezu
    • Ind’è l’Astigmatu, caccia l’irrigularità di l’arcu
    • Ind’è u Presbitu (Ipermitropu), fà in parti a currizziò di l’arcu da migliurà a vista da vicinu


Chirurgia Uftalmulogica in Aiacciu